Microsoft gets license to sell software to Huawei, Google awaits | Microsoft සමාගම මෘදුකාංග සේවා Huawei සමාගමට විකිණීම බලපත්‍රයක් ලබා ගනී.

Microsoft gets license to sell software to Huawei, Google awaits
Microsoft සමාගම මෘදුකාංග සේවා Huawei සමාගමට විකිණීම බලපත්‍රයක් ලබා ගනී.

පසුගිය බ්‍රහස්පතින්දා Microsoft සමාගම  කියා සිටියේ තම මෘදුකාංග සේවා Huawei සමාගමට විකිණීම සඳහා එක්සත් ජනපද රජයෙන්  අපනයන බලපත්‍රයක් ලබාගෙන ඇති බවයි.නොවැම්බර් 20 වන දින Microsoft සමාගම එක්සත් ජනපද වාණිජ දෙපාර්තමේන්තුව වෙත මහා පරිමාණ වෙළඳපොලක් ඇති මෘදුකාංගයක් Huawei වෙත ලබාදීම සඳහා බලපත්‍රයක් ඉල්ලා සිටි අතර එම ඉල්ලීමට වාණිජ දෙපාර්තමේන්තුව විසින් අවසර ලබා දී ඇත.

මෙම සතිය මුලදී, එක්සත් ජනපද වාණිජ දෙපාර්තමේන්තුව තහවුරු කළේ සමහර සමාගම්වලට Huawei වෙත භාණ්ඩ විකිණීම සඳහා බලපත්‍ර නිකුත් කිරීම ආරම්භ කර ඇති බවයි. කෙසේ වෙතත්, චීන තාක්ෂණික දැවැන්තයාට විකිණීම සඳහා අනුමත කර ඇති නිෂ්පාදන මොනවාදැයි තවම තහවුරු කර නොමැත.

එක්සත් ජනපද නිලධාරියෙකු පැවසුවේ දළ වශයෙන් බලපත්‍ර ඉල්ලීම් 300 ක් ගැන ඉල්ලීම් ලැබී ඇති අතර එයින් අඩක් පමණ සකස් කර ඇති බවයි. කෙසේ වෙතත්,Google සමාගම Huawei සමාගමට තම සිය ජංගම සේවාවන් නව මාදිලි සඳහා සැපයීමට බලපත්‍රයක් බලාපොරොත්තුවෙන් සිටින අතර Huawei සමාගමට ගෝලීය වෙළෙඳපොළ තුළ සිය නිෂ්පාදන අලෙවි කිරීමට එය උපකාරී වේ. 

කෙසේනමුත් වෙනත් මූලාශ්‍රයකින් සනාථ වන්නේ ජංගම දුරකථන උපාංග සහ ඉලෙක්ට්‍රොනික නොවන උපාංග විකිණීම සඳහා සමහර බලපත්‍ර අනුමත කර ඇති බවයි.

මැයි මාසයේදී, එක්සත් ජනපද වාණිජ දෙපාර්තමේන්තුව විසින් Huawei සමාගම තහනම්  කරන ලද අතර එක්සත් ජනපද තාක්ෂණයන් මිලදී ගැනීම තහනම් කර වෙළඳ සීමාවන් පැනවීය.

එක්සත් ජනපදයේ වෙළඳ අසාදු ලේඛණගත කිරීමෙන් පසු, Huawei පාරිභෝගික ව්‍යාපාර සමූහයේ ප්‍රධාන විධායක නිලධාරී Richard Yu මහතා කියා සිටියේ අවශ්‍ය සංරචක සහ මෘදුකාංග සේවාවන් සඳහා ප්‍රවේශය නොමැතිකම හේතුවෙන් නව MateBooks නිකුත්  කිරීමේ වර්තමාන සැලසුම් අතහැර දමා ඇති බවයි.

කෙසේ වෙතත් අපට මෑතක දී අසන්නට ලැබුනේ අඟල් 14 සහ අඟල් 15 ක Display  ප්‍රමාණවලින් එන නව MateBooks දෙකක වැඩ Huawei කර ගෙන යන බවයි. Microsoft සමාගම තම මෘදුකාංග සේවා Huawei සමාගමට විකිණීම සඳහා එක්සත් ජනපද රජයෙන්  අපනයන බලපත්‍රයක් ලබා ගැනීම මගින් මෙම නව ලැප්ටොප් පරිගණක වෙළඳපොලට එළිදැක්වීමට Huawei සමාගමට යම් පහසුවක් වනු  ඇත.

Source : huaweicentral

පෙර පළවූ post එකට - click here 

GSMGeek 2019/11/24