Microsoft Edge Chromium alternative to Google Chrome and Firefox
Google Chrome සහ Firefox වෙනුවට හොඳම විසඳුම
web browsers සම්බන්ධයෙන් මයික්‍රොසොෆ්ට් ආයතනයට එතරම් හොඳ නමක් නැත. පසුගිය දශකය තුළ, Internet Explorer සහ Microsoft Edge යන දෙකම Google Chrome and Mozilla’s Firefox වලට වඩා පසුපසින් සිටිය අතර බොහෝ විට පරිශීලකයින්ට මෙම ප්‍රතිවාදී බ්‍රව්සර් ස්ථාපනය කිරීම හැර වෙනත් කිසිදු විකල්පයක් නොවිය. බ්‍රව්සර් වෙළඳපොලේ යම් කොටසක් ආපසු ලබා ගැනීමේ උත්සාහයක් ලෙස Microsoft සමාගම Chromium මත පදනම්ව Edge නැවත සකස් කරයි.
Microsoft නිලධාරීන් පවසා ඇත්තේ නව Chromium පාදක කරගත් Edge browser ය සාමාන්‍යයෙන් 2020 ජනවාරි 15 වනදා සිට ලබා ගත හැකි බවයි.Edge Chromium එකෙහි Canary build සංස්කරණය Surface Pro X වැනි Windows Arm devices වලද ක්‍රියා කරයි.
මයික්‍රොසොෆ්ට් විසින් වින්ඩෝස් 10 1709 හෝ දැනට ක්‍රියාත්මක වන සියලුම පරිගණක සඳහා වින්ඩෝස් යාවත්කාලීන හරහා ස්වයංක්‍රීයව නව Edge ලබා දෙනු ඇත.
Chromium open-source browser project
Chromium google විසින් ආරම්භ කරන ලද විවෘත-මූලාශ්‍ර බ්‍රව්සර් ව්‍යාපෘතියක් වේ.(open-source browser project) සංවර්ධකයින්ට වඩාත් අංග සම්පූර්ණ browser නිර්මාණය කිරීම සඳහා මෙය යොදා ගත හැකිය. Google Chrome, Opera,Vivaldi, Yandex, Brave සහ Amazon Silk යනු Chromium මත සාදන ලද browser සඳහා උදාහරණ කිහිපයක් පමණි. Microsoft මෙම ජනප්‍රිය open-source browser project එක වෙත යොමුවීමත් සමඟම, google වටා ගොඩනගා නැති අවසාන ප්‍රධාන විකල්පය ලෙස Firefox කැපී පෙනේ.2008 දී Chrom දියත් කිරීමට සමගාමීව google විසින් ක්‍රෝම් කේතයෙන් වැඩි ප්‍රමාණයක් විවෘත ප්‍රභවයක් ලෙස මුදා හැරියේය.
Microsoft Chromium Edge browser RAM Usage
Google Chrome යනු RAM එක වැඩියෙන්ම අවශ්‍ය වන app එකකි. ඔබට එයට ලබා දිය හැකි උපරිම RAM ප්‍රමාණයක් ලබා දුන්නත් එයට මදිය. මෙනිසා මිනිසුන් වඩා සැහැල්ලු Firefox වෙත මාරු වීමට එය ප්‍රධාන හේතුවකි. ශුභාරංචිය නම් Microsoft Edge Chromium, Firefox වලටත් වඩා සැහැල්ලු ය. එය නිසැකවම තිදෙනාගෙන් ඉතාමත්ම වේගවත් බ්‍රව්සරය මෙය විය හැකිය.වෙනවෙනම Tab 15 ක් දක්වා විවෘත කර (සෑම බ්‍රව්සරයකම එකම ටැබ් භාවිතා කරමින්) සහ සියලුම පිටු load වූ පසු RAM භාවිතය මැනීය. ප්‍රතිඵලය තරමක් පුදුම සහගතය. Microsoft Edge browser ය Chromium මත නිපදවා තිබියදීත් Chrom වලට වඩා සැලකිය යුතු තරම් අඩු RAM ප්‍රමාණයක් භාවිතා කරන අතර Firefox වලටත් වඩා අඩුය.
 |
| Photo :androidauthority
Microsoft Edge, Chromium මත ගොඩනගා ඇති අතර එය පෙර පැවති මයික්‍රොසොෆ්ට් නිකුතුවලට සාපේක්ෂව නැවුම්බවක් ගෙන එයි.. වර්තමාන Beta තත්වයේදී පවා, Edge අනෙකුත් browser වලට හොඳ තරඟකරුවෙකි.වාසනාවකට මෙන්, ඔබට ad-blockers, password managers, වෙනත් ජනප්‍රිය extensions මෙහි සොයාගත හැකි අතර Chrome extensions ද manually install කළ හැකිය. අවසාන නිකුතුවෙන් පසු මෙම තත්වය වැඩිදියුණු වනු ඇතැයි අපේක්ෂා කරමු.
මෙතෙක් මට ප්‍රධාන දෝෂ කිසිවක් හමුවී නොමැත. සමස්තයක් ලෙස, එය Firefox වලට වඩා වැඩි විශේෂාංග ප්‍රමාණයක් ඇති අතර එය Chrom වලට වඩා සැලකිය යුතු ලෙස සැහැල්ලුය . මෙය ඔබත් අත්හදා බැලීමට වටිනා දෙයකි.
|
Comments
Post a Comment