Huawei handed another 90-day temporary reprieve by US | Huawei සමාගමට තවත් මස 3ක සහන කාලයක්.

Huawei handed another 90-day temporary reprieve by US
Huawei සමාගමට තවත් මස 3ක සහන කාලයක්.

--------------------------------------------------------------------------------

එක්සත් ජනපදය Huawei සමාගමට පනවා ඇති තහනමේ අලුත්ම තත්වය නම් එක්සත් ජනපද වාණිජ දෙපාර්තමේන්තුව විසින් 2020 පෙබරවාරි 16 වන දින දක්වා විහිදෙන පරිදි Huawei හි තාවකාලික සාමාන්‍ය බලපත්‍රය තවත් මාස 3 ක කාලයක් සඳහා දීර්ඝ කර ඇත.මෙයින් අදහස්  කරනුයේ ජාතික ආරක්ෂාවට තර්ජනයක් නොවන උපකරණ සඳහා ඇමරිකානු සමාගම් සමඟ ව්‍යාපාර කටයුතු කරගෙන යාමට Huawei හට නිදහස ඇති බවයි.

වඩාත් නිශ්චිතවම, වාණිජ දෙපාර්තමේන්තුවේ ලේඛනයේ සඳහන් වන්නේ නව තාවකාලික බලපත්‍රය ජංගම සේවා (mobile services) සහ සයිබර් ආරක්ෂණ පර්යේෂණ (cybersecurity research)  සඳහා දරන උත්සාහයට සමගාමීව ජාල (networks) සහ උපකරණ ( equipment ) අංශයේ සීමිත මෙහෙයුම් නැවත ආරම්භ කිරීමට Huawei සමාගමට ඉඩ ලබා දෙන බවයි. මෙය Huawei සමාගමට ලබාදුන් තුන්වන දීර්ඝ කිරීමයි.

වාණිජ ලේකම් Wilbur Ross තවදුරටත් මාධ්‍ය නිවේදනයක් නිකුත් කරමින් කියා සිටියේ නව තාවකාලික බලපත්‍රය එක්සත් ජනපදයේ දුර බැහැර ප්‍රදේශවල කුඩා ගුවන් යානා සඳහා තම සේවය දිගටම කරගෙන යාමට Huawei විදුලි සංදේශ උපකරණ භාවිතා කරන අයට උපකාර වන බවයි.

මෑතකදී, සමහර අනුමාන පෙන්වා දුන්නේ Huawei සමාගමට මාස 6 ක දීර්ඝ කිරීමක් ලබා ගත හැකි බවත් එක්සත් ජනපදය හා චීනය ඔවුන්ගේ වෙළඳ ආරවුල් විසඳා ගන්නා තෙක් මෙම ප්‍රවණතාව දිගටම පැවතිය හැකි බවත්ය.

මේ ගැන Huawei සමාගම පවසන්නේ එක්සත් ජනපදයේ මෙම ක්‍රියාව දේශපාලනික වශයෙන් අභිප්‍රේරණය වූවක් වන අතර ජාතික ආරක්ෂාව සමඟ කිසිදු සම්බන්ධයක් නොමැති බවයි.

තව දුරටත් Huawei පවසන්නේ  "මෙම ක්‍රියාවන් නිදහස් වෙළඳපොල තරඟයේ මූලික මූලධර්ම උල්ලංඝනය කරන බවත් ඒවා එක්සත් ජනපද සමාගම් ඇතුළු කිසිවෙකුගේ අභිලාෂයන් නොවේ". යනුවෙනි.

Source : gsmarena

පෙර පළවූ post එකට - click here 

GSMGeek 2019/11/19